🔴بحث شامل في عالم المكاين🔴
✔حبيت اعطيكم بعض المعلومات العامة عن الثلاث مكاين اللي اخترتها لهذا البحث قبل الدخول بالتفاصيل
✔نبتدي بالمكاين العاديه .. .
وهي مكاين جدا بسيطة ورخيصة سعرها لا يتجاوز ال 500 ريال ..تحتوي على الغرز الضرورية فقط ..خفيفة الوزن تصلح للمبتدئات وايضا للناس اللي تحب مكينة للطوارئ
✔هذي مكاين نص اوتوماتك فيها عدد الغرز اكثر شوي من العادية وفتح عراوي الزر تتم بشكل اوتوماتك وسهل ..فيها ناظم لخيط الابرة جدا مريح ويوفر وقت نظم الخيط ..اكثر الموديلات حتى المكوك فيها من النوع المطور .
مناسبة جدا للمبتدئات وايضا للي يحتاجون مكينة للخياطة البسيطة والاعمال الفنية
✔المكاين المتطورة..
المقارنة هذي ماهي رايي انا انما كلام فنييين المكاين واللي يحب يتأكد من المعلومة فقط يكتب بقوقل وبالانكليزي طبعا عن الفرق بين المكاين الالكترونيه والكمبيوتريه .. .
بدايةً المكاين الالكترونيه ما تقل رووعة عن الكمبيوترية.. وتتميز عن الكمبيوترية ان مافيها اي تعقيد لدرجة انها تصلح حتى للمبتدئات اللي ناوين يتخصصون بالخياطة ويحبون مكينه متطورة جدا وسهله وتخدم كل متطلباتهم.
وانا حبيت انزلكم المعلومة لان شركات المكاين اي مكينه فيها شاشة يعتبرونها كمبيوتريه على اساس ان جميع وظائف المكينه مخزنه بالذاكرة بشكل اوتوماتيكي وهذا كلام صحيح ..لكن الشاشة التحكم فيها محدود جداً وهي فقط لاختيار رقم الغرزة وطولها وعرضها ..وحتى لا يلتبس عليكم الامر ..وراح تلاحظون الفرق لما نشرح المكينه الكمبيوتريه
✔طبعا كل شركة عندها عدة موديلات من المكاين الالكترونيه كلها رائعة واسعارها معقوله
✔كما تلاحظون وظائف المكينه كلها تتم بضغطة زر .
حبيباتي زر التشغيل الاوتوماتيكي وزر التحكم بالسرعه هذا اروع اختراع عملوه ودائما ادعي للي اخترعه ..لاني اكره دوسة القدم وكانت تسبب لي شد عضلي بالساق .. والان ولله الحمد لو اقعد على المكينة طول اليوم ما اتعب .. كما ان التحكم بالسرعه الاوتوماتيكي يعطيكِ المجال للتحكم بالخياطة الى ابعد حد ..خاصةً عند خياطة المنحنيات اللي تحتاج لدقة متناهيه لضبطها.
والمكينه طبعا يجي معها دوسة قدم للي يفضلون الدوس
✔اللي يسألون كيف كيف يتم نظم الابرة اوتوماتكيا ..مع العلم ان فيه بعض المكاين الكمبيوتريه تنظم الابرة بضغطة زر فقط
✔المكاين الكمبيوترية ..و نبدأ بمكاين بروذر وهي مكاين تقنيتها سهله وتعتمد على الوظائف اللي يحتاجها الخياط فعلا ..تناسب المتمكنين ولا تناسب المبتدئين.
الاسعار تقريبا من ١٢٠٠ - ١٥٠٠ ريال سعودي بدون الشحن
✔هذي مكينة بروذر للي يحبون اقتناء مكينه للخياطة والتطريز بنفس الوقت .. المكينه سهلة الاستخدام ..فيها تصاميم للتطريز مثبته بالذاكرة وايضا معها يو اس بي من اجل تخزين تصاميم خارجيه .
اسعارها تتراوح بين ١٤٠٠ - ٤٥٠٠ ريال سعودي بدون الشحن.
ما تصلح للمبتدئات
✔هذه السلسلة لجانومي من اروع ما انتجوا وتشمل حتى الان حوالي عشر موديلات .انا اخترت تقريبا ارخص ثلاث موديلات كمبيوترية واسعارها في امازون بين ٤٠٠٠-٦٤٠٠ ريال سعودي بدون الشحن وبعض الموديلات تتعدى ال ٢٥٠٠٠ الف ريال طبعا اسعار مرتفعه جدا .. لان هذي المكاين فيها تقنيات عالية الجودة صنعت للناس اللي ترغب بمكينة منزلية تضاهي مكاين المصانع من حيث التقنية والقوة .. موتورها جدا قوي لو تشغل يوميا ولمدة طويلة ما تتعب ..انا اعتبرها مكينة النخبة .. طبعا ما انصح فيها ابدا لغير مصممين الازياء لانه فيها تعقيد ومميزات كثيره ما يحتاجها الخياط العادي الى جانب اسعارها المرتفعه
✔الان دور حبيبة الطيبين والرائدة الاولى في عالم الخياطة سنجر .. وهذي السلسلة Quantum stylist للمكاين الكمبيوترية المنزلية الرائدة حتى الان في عالم سنجر ..تقنيتها اكثر تطور من بروذر designio واقل من جانومي memory craft واسهل .. تحوي الكثير من الميزات المتقدمة والرائعة ..اسعارها جدا معقوله نسبة لما تحويه من تقنيه ممتازة .. ما تناسب المبتدئين .
اسعارها في امازون تتراوح بين ١٣٥٠ -٢٢٠٠ ريال سعودي بدون الشحن
✔وهنا سلسلة مكاين سنجر futura للخياطة والتطريز والتضريب ..مكينة قوية وشامله لكل ما يحتاج الخياط من ابداع .. المكينة اللي عليها تطريز بنفسجي ..فيها 125 تصميم للتطريز + 215 غرزة زخرفية + 20 شكل للاحرف .
اما المكينه اللي عليها تطريز احمر ..فيها 250 تصميم للتطريز + 215 غرزة زخرفية + 20 شكل لكتابة الاحرف .
اسعارها في امازون تتراوح بين ٣٧٠٠ - ٣٩٠٠ ريال سعودي بدون الشحن
✔هذي الميزات توجد تقريبا بكل المكاين الكمبيوترية ولكن بمسميات وطرق عرض تختلف من مكينة لاخرى
✔وبهيك بنكون خلصنا البحث تبعنا ان شاء الله تستفيدو من هالمعلومات
⤵ لمن يريد مشاهدة الفيديو
🎀وما تنسو تشتركو بقناتي ليصلكم كل جديد🎀
💜 احبكم في الله 💜
🌹ما تنسوني من دعواتكم🌹
ليست هناك تعليقات:
إرسال تعليق